Via:
Аще который человек или сродник или который християнин о родителех своих не пекется,
но токмо о своих делах заботится,
а о родителех своих ни единыя милостыни сотворити не хощет,
у сего человека родители грешныя души лежат они под землею и под морем,
за грехи своя в темницах адовых до втораго и грознаго пришествия Господня,
вниз лицем, левая рука в ысподи, а десная верху.
И льют они слезы на место то кровавые,
и просят они всех своих сродников:
"О друзи вы, сродницы, и любимыя вы наши сестры и братия!
Вы постараитеся о нас, грешных, до будущаго суда Господня,
доколе можно нам от вас помощь получити и отраду душам нашим!"
И по сем возопиют ко Господу нашему
и просят на своих сродников, которыя их не поминают, бед и напастей,
и глаголют из глубины сердечныя:
«О Господи, Господи!
Посли ты, Господи, на наш род,
аще они имеют поле хлеба, то градом выбей;
аще ли скот имеют, то мором умори;
аще ли дом имеют, огнем сожги;
аще торговлю имеют, то отбери, Господи;
аще пчел имеют, то не даждь имъ, Господи, доли пчелной;
аще кое ремесло имеит, отими от них, Господи!»
Во истинну, братия, все православныя христиане, в вере христовой живущи,
во истину истинно: "Мертви у врат не стоят, а свое возьмут".